المصري كيدز: «حدوتة».. «البغبغان الجنان»

المصرى اليوم 0 تعليق ارسل طباعة تبليغ حذف

اشترك لتصلك أهم الأخبار

ريكو بغبغان جميل ريشه ملون وخطير وشكله مفيش منه اتنين دايما يطير يتمخطر ويقول أحلى منى ما تلاقيش.

ريكو زى كل البغبغنات على طول يردد الكلام. حد يقول قصاده كلمة بيقولها بدون تفكير فى الكلام ولا حتى يفهم الكلام، يفضل بس يردد الكالمات. وفى مرة كان واقف فوق الشجرة وشاف عصفور زعلان، ومن غضبه قال كلام مش تمام على صاحبه أبو قردان وفضل البغبغان يردد فى الكلام لحد ما سمعه أبو قردان، قالله إنت بتقول عليا كدا ليه أنا كدا منك زعلان، قالله دا كلام العصفور أنا بس بردد الكلام. زعل أكتر أبوقردان وقال إزاى العصفور صاحبى يقول عليا دا كلام، وقرر إنه يزعل منه وما يكلمه تانى كمان.

بدأ العصفور بستغرب من أبو قردان ويقول هو ليه اتغير كدا مابقاش عايز يلعب معايا، ولما سأله قالاه اسأل البغبغان. راح العصفور لريكو وقاله ليه أبو قردان زعلان. رد عليه بالكلام. زعل جدا العصفور وقالله إنت عملت مشكله لازم تفكر شوية قبل ما تردد الكلام. حس ساعتها ريكو إنه عمل مشكلة بين العصفور وأبو قردان لما ردد الكلام واتعلم من الموقف دا إنه يفكر شوية قبل ما يردد الكلام وإن فيه كلام حلو ينفع يتردد ونقوله وكلام وحش ما ينفعش نردده من غير ما نفهم معناه، وإن لِسانّا لازم يكون جميل ونضيف زى شكلنا تمام، وبكدا فعلا يكون بغبغان جنان.

  • الوضع في مصر

  • اصابات

    185,922

  • تعافي

    143,575

  • وفيات

    10,954

إخترنا لك

أخبار ذات صلة

0 تعليق